விவசாய தொழிலாளர் சங்க மாநாடு இன்று துவக்கம்

4:31 AM சிறப்பு, செய்திகள், தலைப்பு 0 கருத்துரைகள் Admin

விவசாய தொழிலாளர் சங்க மாநாடு இன்று துவக்கம்

திருச்சி: அகில இந்திய விவசாய தொழிலாளர்கள் சங்கத்தின் மூன்று நாள் 7வது அகில இந்திய மாநாடு இன்று திருச்சியில் துவங்குகிறது. மாநாட்டின் நிறைவு விழாவில் திரிபுரா மாநில முதல்வர் மாணிக்சர்க்கார் பங்கேற்கிறார்.திருச்சி அரிஸ்டோ ஹோட்டலில் அகில இந்திய விவசாய தொழிலாளர்கள் சங்கத்தின் மூன்று நாள் 7வது அகில இந்திய மாநாடு இன்று துவங்குகிறது.மாநாட்டில் ஏற்றப்படும் கொடி ஆந்திரமாநிலம் முடிகொண்டா என்ற இடத்தில் நிலமீட்சி போராட்டத்தில் போலீஸாரால் சுட்டுக் கொல்லப்பட்ட ஏழு தியாகிகள் நினைவாக அங்கிருந்து எடுத்து வரப்படுகிறது.

இன்று காலை 10 மணிக்கு துவங்கும் மாநாட்டில் அகில இந்திய விவசாய தொழிலாளர்கள் சங்க தலைவர் பட்டூர் ராமையா, எம்.பி., ரங்கராஜன், அகில இந்திய விவசாயிகள் சங்க தலைவர் ராமச்சந்திரன் பிள்ளை, விவசாய தொழிலாளர் சங்க பொதுச்செயலாளர் விஜயராகவன் உள்ளிட்ட பலர் பங்கேற்கின்றனர்.மூன்று நாட்கள் நடக்கும் மாநாட்டில் விவசாயிகள், விவசாயம் தொடர்பான பல தலைப்புகளில் கருத்தரங்கம் நடக்கிறது.வரும் 19ம் தேதி மாநாட்டில் நிறைவு நாள் நிகழ்ச்சிகள் நடக்கிறது. இதில் திரிபுரா மாநில முதல்வர் மாணிக்சர்க்கார் சிறப்பு அழைப்பாளராக பங்கேற்கிறார். மாநாட்டில் சங்கத்தின் பொதுக்குழு தேர்வு, தீர்மானம், ஆய்வறிக்கை சமர்ப்பிக்கப்பட உள்ளது.

குறிச்சொற்கள்: சிறப்பு, செய்திகள், தலைப்பு

இதனைச் சார்ந்த பதிவுகள்

0 கருத்துரைகள் -இந்த பதிவிற்கு..