தமிழின் முதல் வேளாண்மை நிகழ்நிலை இணையதளம்அறுவடை தொடக்கம்
9:34 AM அறுவடை தொடக்கம், சிறப்பு, செய்திகள், தலைப்பு 0 கருத்துரைகள்
திருச்செந்தூர், தென்திருப்பேரை வட்டாரத்தில் பிசான பருவ நெல் பயிர் அறுவடைப் பணி துவங்கி நடைபெற்று வருகிறது. இப் பகுதியில் கடந்த நவம்பர், டிசம்பர் மாதங்களில் பயிர் செய்த பிசான நெல் பயிர் தற்போது அறுவடை துவங்கி உள்ளது. திருச்செந்தூர் வட்டத்தில் செல்லப்பொன்னி என்ற ஆடுதுறை 43 , ஆடுதுறை 45, ஆடுதுறை 47, வெள்ளை சம்பா என்ற அம்பை 16, கட்ட சம்பா என்ற டிகே.எம் 9 என்ற நெல் பயிர்கள் பயிர் செய்திருந்தனர். தற்போது இப்பிசான பருவ அறுவடைப் பணி நல்லூர், மூலக்கரை, கானம், வீரமாணிக்கம், அம்மன்புரம், சோனகன்விளை மற்றும் சுற்று வட்டாரப் பகுதியில் நடைபெற்று வருகிறது. சுமார் 1400 ஹெக்டேர் பரப்பில் விவசாயம் நடைபெற்று பத்து சதவீதத்துக்கு மேல் அறுவடை நடைபெற்றுள்ளது. சராசரியாக ஒன்றரை மேனி வரை மகசூல் கிடைத்துள்ளதாக தெரிகிறது. தென்திருப்பேரை வட்டாரத்தில் சுமார் 3000 ஹெக்டேரில் ஆடுதுறை 43, ஆடுதுறை 45, அம்பை 16, ஆடுதுறை 36 ஆகிய நெற் பயிர் சாகுபடி செய்யப்பட்டிருந்தது. இதில் பத்து சதவீதம் அறுவடை நடைபெற்றுள்ளது. தற்போது தென்திருப்பேரை வட்டாரத்தில் வெள்ளமடம், நாசரேத், உடையார்குளம், ஆவ்வார்திருநகரி, ஆதிநாதபுரம், குருகாட்டூர் மற்றும் ராஜபதி உள்ளிட்ட பகுதியில் அறுவடை நடைபெற்று வருகிறது. ஒன்றரை மேனி அதாவது ஒரு ஹெக்டேருக்கு சுமார் 6075 கிலோ வரை மகசூல் கிடைத்து வருவதாக கூறப்படுகிறது. படைப்புழு தாக்கிய பகுதிகளில் 5 சதவீதம் வரை மகசூல் குறைந்துள்ளதாக வேளாண் துறையினர் தெரிவித்தனர். இப் பகுதியில் சுமார் ஒரு மாதம் வரை அறுவடைப் பணி நீடிக்கலாமென தெரிகிறது.
குறிச்சொற்கள்: அறுவடை தொடக்கம், சிறப்பு, செய்திகள், தலைப்பு
பகிர்தல் மிக எளிமையானது,அழகானது