தமிழின் முதல் வேளாண்மை நிகழ்நிலை இணையதளம்பி.டி.கத்தரிக்காய்க்கு கர்நாடகம் தடை
2:12 AM சிறப்பு, செய்திகள், தலைப்பு 0 கருத்துரைகள்
மரபணு மாற்றப்பட்ட (பி.டி.) கத்தரிக்காய்க்கு தடை விதிக்கப்படும் என்று கர்நாடக தோட்டக் கலைத் துறை அமைச்சர் உமேஷ் கத்தி தெரிவித்தார். பெங்களூரில் செய்தியாளர்களுக்கு திங்கள்கிழமை பேட்டியளித்த அவர் இதுகுறித்து மேலும் கூறியதாவது: மரபணு மாற்றம் செய்யப்பட்ட கத்தரிக்காயை கர்நாடகத்தில் வர்த்தக ரீதியில் சாகுபடி செய்ய அரசு தடை விதிக்கும். இதுதொடர்பாக மத்திய அரசுக்கு ஏற்கெனவே கடிதம் எழுதிவிட்டோம். மத்திய அரசின் பதிலுக்காக காத்திருக்கிறோம். புதன்கிழமைக்குள் பதில் அளிப்பதாக மத்திய அமைச்சர் ஜெய்ராம் ரமேஷ் தெரிவித்துள்ளார். மரபணு மாற்ற கத்தரிக்காயை இந்தியாவில் அனுமதிக்கும் முடிவை கைவிட வேண்டும் என மத்திய அரசிடம் முதல்வர் எடியூரப்பாவும் ஏற்கெனவே வலியுறுத்தியுள்ளார். மரபணு மாற்ற கத்தரிக்காயால் ஏற்படும் சாதக-பாதகங்கள் குறித்து உடனடியாக முடிவுக்கு வந்துவிட முடியாது. அதுபற்றி நீண்ட ஆராய்ச்சி தேவை. அதன் பிறகே அதுபற்றி ஒரு முடிவுக்கு வர முடியும். எனவே, இந்தப் பிரச்னையில் மத்திய அரசு அவசரப்பட்டு எந்த முடிவும் எடுத்துவிடக் கூடாது என்றார் அவர். மரபணு மாற்ற கத்தரிக்காயை பயன்படுத்தக் கூடாது என்று ஆர்.எஸ்.எஸ். தலைவர் மோகன்பாகவத் ஞாயிற்றுக்கிழமை கருத்துத் தெரிவித்திருந்தார் என்பது குறிப்பிடத்தக்கது.
குறிச்சொற்கள்: சிறப்பு, செய்திகள், தலைப்பு
பகிர்தல் மிக எளிமையானது,அழகானது