தமிழின் முதல் வேளாண்மை நிகழ்நிலை இணையதளம்பி.டி. கத்தரிக்காயை அனுமதிக்கலாம் என்ற பரிந்துரையை எதிர்த்து வழக்கு
2:13 AM சிறப்பு, செய்திகள், தலைப்பு, பி.டி. கத்தரிக்காயை அனுமதிக்கலாம் என்ற பரிந்துரையை எதிர்த்து வழக்கு 0 கருத்துரைகள்
மரபணு மாற்றம் செய்யப்பட்ட கத்தரிக்காயைப் (பி.டி. கத்தரிக்காய்) பயிரிடவும், விற்கவும் அனுமதிக்கலாம் என்று பரிந்துரைத்துள்ளதை எதிர்த்து உயர் நீதிமன்றத்தில் வழக்குத் தொடரப்பட்டுள்ளது. இதுதொடர்பாக திருதணிகாசலம் என்பவர் உயர் நீதிமன்றத்தில் தாக்கல் செய்த மனு விவரம்:மகாராஷ்டிரத்தைச் சேர்ந்த ஹைபிரிட் சீட்ஸ் நிறுவனம், தமிழ்நாடு விவசாயப் பல்கலைக்கழகம் மற்றும் தார்வாட் விவசாயப் பல்கலைக்கழகம் ஆகியவற்றின் சார்பில் மரபணு மாற்றப்பட்ட கத்தரிக்காய் பயிரிட அனுமதி கோரி விண்ணப்பிக்கப்பட்டது.மரபணு மாற்றப்பட்ட பயிர்களுக்கு அனுமதி வழங்கும் பொறியியல் குழு, இந்தக் கத்தரியைப் பயிரிடவும், விற்கவும் 14.10.09}ம் தேதி பரிந்துரை செய்தது. உச்ச நீதிமன்ற உத்தரவுப் படி, விஞ்ஞானி பி.எம்.பார்கவா இந்தக் குழுவின் கூட்டத்தில் சிறப்பு அழைப்பாளராக கலந்துகொண்டார். பி.டி. கத்தரிக்காய்க்கு அனுமதி வழங்க அவர் கடுமையான எதிர்ப்பு தெரிவித்தும், அதைப் பொருட்படுத்தாமல் இந்த பரிந்துரை வழங்கப்பட்டுள்ளது.மரபணு மாற்றம் செய்யப்பட்ட கத்தரிக்காய் ஆபத்தானது என்ற வல்லுநர்களின் எச்சரிக்கைகளையும் மீறி, நிபுணர் குழுவின் அறிக்கைக் கிடைத்த 6 நாள்களுக்குள் இந்த அனுமதி வழங்கப்பட்டுள்ளது. மரபணு மாற்றப்பட்ட பயிர்களுக்கு விதிக்கப்படும் கட்டுப்பாடுகளைக் கண்காணிக்க, மாநில அளவில் பயோ}டெக்னாலஜி ஒருங்கிணைப்புக் குழுக்களை மத்திய அரசு ஏற்படுத்தியிருக்க வேண்டும். எனவே, பி.டி. கத்தரிக்காய் பயிரிட அனுமதிக்கலாம் என்று பரிந்துரை செய்ததே செல்லாது என்று அறிவிக்குமாறு மனுவில் கோரப்பட்டுள்ளது.
குறிச்சொற்கள்: சிறப்பு, செய்திகள், தலைப்பு, பி.டி. கத்தரிக்காயை அனுமதிக்கலாம் என்ற பரிந்துரையை எதிர்த்து வழக்கு
பகிர்தல் மிக எளிமையானது,அழகானது