விவசாயிகள், அரிசி ஆலைகள் தயக்கம் :நெல் விலை உயர்வால் கொள்முதலில் தேக்க நிலை

6:41 AM சிறப்பு, செய்திகள், தலைப்பு, நெல் விலை உயர்வால் கொள்முதலில் தேக்க நிலை 0 கருத்துரைகள் Admin

விலை உயர்வு: கடந்த ஆண்டு பருவம் தவறிய மழையால், நெல் விளைச்சல் பாதிக்கப்பட்டுள்ளது. இதனால், முதல் ரக பொன்னி நெல் (ஒரு மூடை-61 கிலோ) 750 ரூபாய் என விலை நிர்ணயிக்கப்பட்டுள்ளது. கடந்த ஆண்டை விட இது 40 ரூபாய் அதிகம். இதனால் ஆலை உரிமையாளர்கள், விவசாயிகளிடம் நேரடி கொள்முதல் செய்வதில் தயக்கம் காட்டுகின்றனர். இது ஒருபுறமிருக்க கர்நாடகாவில் இதைவிட 40 ரூபாய் கூடுதலாக கிடைக்கிறது. இதனால் தமிழக விவசாயிகள், நெல் மூடைகளை அங்கு விற்க ஆர்வம் காட்டுகின்றனர். தினமும் 16 டன் நெல் மூடைகள், கர்நாடகாவிற்கு அனுப்பப்படுகின்றன.

மேலும் உயரும்: இதனால், புதுவயல் அரிசி ஆலைகளில் (கிலோவுக்கு) 26 ரூபாய்க்கு விற்ற அதிசய பொன்னி, தற்போது 27 ரூபாயாகவும்; 31 க்கு விற்ற டீலக்ஸ் பொன்னி, 32 க்கும்; 35க்கு விற்ற கர்நாடகா பொன்னி, 36 ரூபாய்க்கும் விற்கப்படுகிறது.அரிசி ஆலை உரிமையாளர் சங்க நிர்வாகி ஒருவர் கூறியதாவது:நெல் கொள்முதலில் உள்ள தேக்க நிலையால், புதுவயல் ஆலைகளில் அரிசி விலை, கிலோவிற்கு 50 காசு முதல் ஒரு ரூபாய் வரை உயர்ந்துள்ளது. பொன்னி ரக நெல்லுக்கு, கர்நாடகாவில் அதிக விலை கிடைக்கிறது. ஆலைகளில் பழைய நெல் மூடைகள் இருப்பு உள்ள வரை, அரிசி விலையில் மாற்றம் இருக்காது. அதன் பிறகு விலை உயரும் என்றார்.

குறிச்சொற்கள்: சிறப்பு, செய்திகள், தலைப்பு, நெல் விலை உயர்வால் கொள்முதலில் தேக்க நிலை

இதனைச் சார்ந்த பதிவுகள்

0 கருத்துரைகள் -இந்த பதிவிற்கு..